Đĭ pơhiăp git gai mông ngă lơphet, Khua git gai Ping gah dêh čar ơi Tô Lâm lăng yôm hăng pơpŭ bơni hơdôm boh than dưi ngă mơng djop rơnuk khua apăn akŏ, mơnuih apăn bruă hăng mơnuih mă bruă amăng anom bruă pơtom hiăp dêh čar hơmâo gir run abih pran jua amăng 75 thun rơgao. Laih dong lăi pơtong, rŏng lŏn tơnah glăk amăng thun blan pơplih tui rơnuk phrâo, bruă pơgang rơnuk rơnua amăng jar kmar jai hrơi bưp tơnap tap.

Khua git gai Ping gah črâo ba 5  tơhnal kiăng anom bruă pơtom hiăp dêh čar đing nao pok pơhai ngă tui pơ anăp anai, amăng anun kiăng ngă klă pơphô bruă tui jơlan gah pơtom hiăp mơng Ping gah amăng rơwang phrâo, pơgôp ngă truh kih hơdôm hơnong pơkă 100 thun tui tơlơi git gai mơng Ping gah, 100 thun akŏ pơjing dêh čar Việt Nam dân chủ cộng hòa, ră anai lĕ Cộng hòa xã hội chủ nghĩa Việt Nam.