Hăng pran jua “Hlăk ai Việt Nam, khăp kơ lŏn ia – tơlơi čang rơmang – gum hrŏm hơbit – ba jơlan hlâo - pơčeh phrâo, phing kơ pran jua yak mut rơnuk phrâo”, Jơnum hmâo bruă pơsit bôh tơhnal bruă Jơnum hăng bruă pơphun hlăk ai rơwang bruă 2019-2024, pơdŏng tơhnal pơkă, pơsit bruă jao, jơlan pơsir bruă Khul hăng bruă pơphun hlăk ai rơwang bruă 2024-2029.

Pơhiăp git gai amăng mông jơnum, Khua git gai Ping gah ơi Tô Lâm pơtŏng sit, amăng hơdôm rơwang bruă hơkrŭ, Ping gah ta biă ñu đing nao, lăng bruă mă gah hlăk ai. Khua git gai Ping gah dêh čar rơkâo, khom tŭ ư hrŏm tơlơi thâo kơ bruă mă mơ̆ng hlăk ai hăng tơhnal yôm phăn phara mơ̆ng hlăk ai amăng rơwang ngă hơkrŭ phrâo mơ̆ng Ping gah, mơ̆ng djuai ania. Khua git gai Ping gah dêh čar rơkâo pơplih phrâo kơtang bruă Khul, Grŭp; pơdŏng khul mơnuih apăn bruă Khul, Khul kơjăp kơtang; pơsit rơđah bruă gơgrong, bruă jao mơ̆ng Khul, hơdôm khul ding kơna mơ̆ng Khul, Grŭp hlăk ai Cộng sản rơnuk Hồ Chí Minh amăng bruă pơtô pơhrăm tơlơi pơmin ngă hơkrŭ, pơgang pơgăn tơlơi tơdu trun pran jua, jơlan gah hơdip amăng hlăk ai, čơđai sang hră, čơđai gưl dlông./.