Amăng mông bưp, Khua git gai Ping gah dêh čar ơi Tô Lâm pơsit tong tal rai čuă anai yôm phăn biă mă, pơgôp prong amăng bruă ngă dơlăm tui tơlơi rô nao rai yôm phăn djop mơta Việt Nam-Japan. Khua git gai Ping gah dêh čar ơi Tô Lâm pơsit tong Việt Nam gir run ngă tui bruă pơplih phrâo amăng hơdră pơplih ngă hră pơ-ar, pok pơhai hơdôm bruă jao, hơdră bruă amăng “Pă bơnah ngă bruă phun” hăng tơlơi gir run pơtrut pơđĭ kyar yua boh thâo phrâo, boh thâo ia rơgơi, pơplih pơčeh phrâo, ngă hơbot anih anom kơđi čar, pơsir hơdôm tơlơi gun kiăng pok rai glông jơlan pơđĭ kyar phrâo, lăng kual bơwih ƀong hơjăn lĕ anih pơtrut phun amăng tơlơi bơwih ƀong huă, gir run mut hrŏm jar kmar jai dơlăm, tŭ yua, ngă gêh gal hloh brơi mơnuih ƀôn sang hăng anom bơwih ƀong sĭ mơdrô amăng lŏn ia hăng tač rơngiao.

Khua git gai Ping gah dêh čar rơkâo dua bơnah kơtưn gum hrŏm, pơlăi nao rai tơlơi pơmĭn, dong yua tơdruă amăng hơdôm mông jơnum pơƀut jar kmar hăng amăng kual, sit biă ñu amăng hrơi mông jar kmar hăng amăng kual hơmâo lu tơlơi pơplih.