Khua git gai Ping gah dêh čar ơi Tô Lâm hok mơ-ak lơm khua mua pơprong Ping gah Cộng sản Prang rai čuă Việt Nam, pơgôp kơtưn pran đăo gơnang kơđi čar, yua kơ tơlơi dưi mơng mơnuih ƀôn sang dua bơnah, pơgôp pơhlôm rơnuk rơnua, pơplih phrâo hăng pơđĭ kyar amăng kual hăng rŏng lŏn tơnah. Khua git gai Ping gah dêh čar ơi Tô Lâm lăng yôm tơlơi gir run mơng Ping gah Cộng sản Prang kiăng hrưn đĭ kơdrưh, tơlơi gơgrong mơng Ping gah, pơgôp amăng bruă pơhlôm rơnuk rơnua, rơngai, ngă pô hăng tơlơi hơdip hiam klă mơnuih mơnam ƀơi dêh čar Prang, kual Mi kô̆ hăng rŏng lŏn tơnah.

Khua git gai Ping gah dêh čar ta ăt lăi pơthâo hơdôm tơlơi dưi mơ̆ Việt Nam dưi ngă amăng giăm 40 thun pơplih phrâo tui tơlơi git gai mơng Ping gah Cộng sản Việt Nam. Khua git gai Ping gah dêh čar ơi Tô Lâm rơkâo dua Ping gah tŏ tui kơtưn amăng djop mơta bruă ngă hrŏm ră anai, amăng anun hơmâo bruă jơnum bơkơtuai tui boh thâo kiăng pơlăi nao rai hơdôm boh thâo hăng tơlơi găn rơgao sit nik kiăng hrưn đĭ klă dong bruă mă mơng dua Ping gah ƀơi rĭm boh dêh čar.