Amăng mông Jơnum, Khua git gai Ping gah dêh čar ta ơi Nguyễn Phú Trọng, Khua mir sir dêh čar ơi Nguyễn Xuân Phúc, Khua dêh čar ơi Phạm Minh Chính čih djă pioh, pơsit yôm tơlơi gir run, pran jua ba gru hlâo, ba jơlan hlâo hăng hơdôm bôh tơhnal dưi ngă mơng Ping gah Kông ang dêh čar, Ding jum kông ang amăng thun 2022; pơtŏng sit, khul Kông ang mơnuih ƀôn sang hmâo ngă giong prong bruă jao.

Gah bruă mă pơ̆ anăp, Khua git gai Ping gah dêh čar ta ơi Nguyễn Phú Trọng rơkâo, Ping gah Kông ang dêh čar ngă tui dong bruă ba gru hlâo, lăng yôm bruă pơdŏng Ping gah, pơdŏng khul Kông ang mơnuih ƀôn sang, lăng anai lĕ bruă mă phun mơng thun 2023 hăng hơdôm thun tô̆ tui; ngă tui bruă phun amăng git gai črâo ba bruă pơgang pơhlôm rơnuk rơnua, hơđong, djru pok pơhai ba glăi bôh tơhnal hơdôm tơlơi pơtrun pơsit mơng Ping gah gah pơđĭ kyar bơwih ƀong mơnuih mơnam hăng pơhlôm pơgang lŏn ia, rơnuk rơnua plơi pla truh thun 2030, tơhnal lăng truh thun 2045 mơng 6 kual amăng đơ đam dêh čar; hrưn đĭ hmâo dong lu bôh than truh kih phrâo hăng ngă giong prong bruă jao, ƀơi anăp lĕ thun 2023 hăng abih bang rơwang bruă 2020-2025./.