Khua git gai Ping gah dêh čar ta ơi Nguyễn Phú Trọng čơkă mơ-ak ơi Chăn-xa-mỏn Chăn-nha-lạt, ba jơlan hlâo Grŭp khua pơ ala khul ling tơhan gưl dlông dêh čar Lao rai čuă dêh čar Việt Nam; pơsit yôm phiăn juăt, bôh tơhnal gum hrom kơplah wah khul ling tơhan dua bôh dêh čar hlâo adih ăt kah hăng ră anai, bôh tơhnal bruă bơkơtuai kơplah wah dua Khua Ding jum khul ling tơhan.

Khua git gai Ping gah dêh čar ta rơkâo Ding jum khul ling tơhan dua bôh dêh čar ngă tui dong gru grua phiăn juăt mơng pô, ngă tui truh kih hră pơtrun hăng Jơlan hơdră, Kơčăo bruă gum hrom kơplah wah dua Ding jum khul ling tơhan, lăi pơhing hyu dơlăm bôh yôm gru grua, tơhnal yôm phăn mơng tơlơi rô nao rai pha ra Việt Nam – Lao amăng abih bang khul ling tơhan. Khua git gai Ping gah dêh čar ta bơni kơ Lao hmâo pioh laih kơ Việt Nam tơlơi dŏng yua hăng gum djru prong prin mơng hlâo truh kơ ră anai, amăng anun hmâo tơlơi gum hrom hơbit, pơkĕ hrom, gum djru mơng khul ling tơhan Lao; pơtŏng sit bôh tŭ yua mơng tơlơi rô nao rai pha ra Việt Nam – Lao ƀu djơ̆ kơnong kơ dua bôh dêh čar jê̆ giăm ôh mơ̆, ñu dô̆ jing ƀing gop, adơi ayong pô̆ ƀă, gum hrom lom bưp tơnap amăng bruă kơdŏng glăi ayăt tlaih rơngai djuai ania pơlir hơbit lŏn ia ăt kah hăng amăng bruă pơdŏng hăng pơgang lŏn ia ră anai./.