Khua git gai Ping gah dêh čar ta ơi Tô Lâm hăng Khua dêh čar Aleksander Turchin tŭ ư tơlơi rô nao rai dua bôh dêh čar glăk dŏng amăng tơhnal gal phrâo, pơsit dua bôh dêh čar khom ngă tui kơtang phun akha phiăn juăt pioh pok prong gum hrŏm sit nik, ba glăi bôh tơhnal. Dua bơnah amra čih pơkra sa jơlan hơdră bruă ngă pioh pok pơhai tơlơi gum hrŏm khom ngă pơđĭ dlông, kơtưn rôk ruai grŭp gưl dlông hăng hơdôm gưl, pơtrut tơlơi rô nao rai bơwih ƀong, sĭ mơdrô lăp djơ̆ hăng bruă gum hrŏm khom ngă, kơtưn gum hrŏm bruă măi mok, amăng anun hmâo pơkra rơdêh krua hăng măi dui, gum hrŏm bôh thâo phrâo - hơdră mă yua măi mok, pơtô pơhrăm, bôh thâo đưm, tuai čuă ngui, bơkơtuai mơnuih ƀôn sang, kơtưn bơkơtuai rơnuk hlăk ai pioh djă lui, tô̆ tui phiăn juăt giăng mah, gum hrŏm mơ̆ng hlâo.

Lăi pơthâo nao rai kơ hơdôm tơlơi ƀơi kual hăng jar kơmar hơdai bơđing nao, dua bơnah pơtŏng sit amra gum hrŏm kơjăp dong amăng hơdôm mông bơkơtuai amăng kual hăng jar kơmar, hơdai bơ dŏng yua hơdôm tơlơi pơkă phun amăng tơlơi phiăn jar kơmar, gum hơgôp klă kơ bruă djă pioh rơnuk rơnua, hơđong, gum hrŏm hăng pơđĭ kyar ƀơi kual hăng rŏng lŏn tơnah./.