Hơdor glăi 80 thun hrơi pơdŏng Khul ling tơhan mơnuih ƀôn sang Việt Nam, 35 thun Hrơi jơnum ngui abih bang mơnuih ƀôn sang Pơgang lŏn ia, čơtlăm lơ 18/12, amăng Sang rung Ding jum Khul ling tơhan dêh čar, Khua git gai Ping gah dêh čar ơi Tô Lâm, Khua git gai Ping gah Khul ling tơhan dêh čar nao pơhmư̆ hăng git gai mông pơbưp ƀô̆ mơta, pơsur rơnuk hlăk ai amăng khul ling tơhan.

Ră ruai hăng ƀing pơ ala hlăk ai gah khul ling tơhan mơbruă, Khua git gai Ping gah dêh čar ơi Tô Lâm pơtŏng sit, amăng 80 thun rơgao, hơdôm rơnuk hlăk ai khul ling tơhan hmâo ba laih pran hlăk ai, abih pran jua, bôh thâo, ia rơgơi, hăng pran gơgrong hăng hrưn đĭ, abih pran jua mă bruă kơ Lŏn ia, djru mơnuih ƀôn sang, amra ba jơlan hlâo, ƀu kơdun ƀơi anăp tơlơi huĭ rơhyưt, amra ba jơlan hlâo, tuh rơyuh pran jua pơ̆ hơpă, ngă bruă hơget mơ̆ Lŏn ia hăng mơnuih ƀôn sang jao. Lăi rơđah, lŏn ia ta glăk dŏng ƀơi anăp tơhnal gal gru grua yak mut amăng rơnuk phrâo, rơnuk phrâo pơđĭ kyar, pơdrong asah; Khua git gai Ping gah dêh čar lăi lĕ, hơdôm tơlơi čang rơmang anun, tơlơi čang hluai tui prong kơ khul tơhan hlăk ai, amăng anun hlăk ai Khul ling tơhan hmâo bruă mă yôm phăn, jing gru phun, ba jơlan hlâo. Ping gah, Kơnuk kơna hăng mơnuih ƀôn sang glăk čang rơmang dô̆ tơguan, čang rơmang prong amăng pơplih phrâo, tơlơi gir run hrưn đĭ, “Hrưn đĭ pô” mơ̆ng hlăk ai Khul ling tơhan./.