Pơ ala kơ grŭp hyu mă bruă ƀơk 25 anung gơnam kơ ƀing mơnuih djru ngă hơkrŭ đưm, sang anô̆ gah hơdră bruă, mơnuih apăn bruă, mơnuih mă bruă čar, mơnuih mă bruă ƀơi Kual djă pioh gru grua, Khua git gai Ping gah dêh čar ta ơi Tô Lâm pơdah pran jua mơ-ak glăi čuă plơi pla djơ̆ tal hơdor glăi 135 thun Hrơi tơkeng Khua mir sir Hồ Chí Minh pioh lok glăi phiăn juăt gru grua ư-ang mơ̆ng djuai ania hăng hơdor glăi pran jua tuh rơyuh prong prin mơ̆ng Wa pioh kơ plơi pla lŏn ia hăng tơring čar Nghệ An.

Pơsit yôm tơlơi bơwih ƀong mơnuih mơnam tơring čar lăi hrŏm hăng tơlơi hơdip mơda mơnuih apăn bruă, mă bruă ƀơi kual djă pioh gru grua ƀu pơdơi pơđĭ dlông, khă tui anun, Khua git gai Ping gah dêh čar ăt pơtŏng sit mơn, Ping gah hăng Kơnuk kơna amra bơwih brơi na nao kơ sang anô̆ gah hơdră bruă, sang anô̆ ƀun rin, sang anô̆ djru ngă hơkrŭ đưm pioh hmâo tơlơi hơdip mơda jai hrơi jai klă hloh hăng pran jua ƀu hmâo hlơi lui lơi gah tlôn./.