Mơguah lơ 14/4 ƀơi Ƀirô mă bruă Ping gah dêh čar, Khua git gai Ping gah dêh čar ta ơi Tô Lâm, Khua grŭp Grŭp črâo ba git gai mông Jơnum tal 3 Grŭp črâo ba bruă Ping gah dêh čar klah čun Tơlơi pơtrun pơsit 18. Lơ 25/10/2017 mơ̆ng Grŭp mă bruă Ping gah dêh čar tal 12 sa dua mơta tơlơi kơ pơplih phrâo dong, dưm dăp bruă car amăng abih bang glông bruă kơđi čar rơbô̆t, mă bruă tŭ yua, ba glăi bôh tơhnal pioh bơkơtuai, hluai tui kơčăo bruă mơ̆ng Grŭp črâo ba kơ bruă ngă tui dưm dăp, pơmut hrŏm anom bruă čar gưl tơring čar, gưl să hăng pơjing glông bruă kơđi čar 2 gưl ƀơi plơi pla.

Klah čun mông jơnum Khua git gai Ping gah dêh čar ơi Tô Lâm pơtŏng sit truh ră anai bruă ngă hơkrŭ gah rơbô̆t glông jơlan mă bruă kơđi čar dưi hmâo lu gưl mơnuih ƀôn sang hăng jar kơmar djă pioh pơsit yôm hăng anai jing tơlơi găn rơgao yôm phăn pioh ƀing ta pok pơhai dơlăm hloh dong bruă ngă hơkrŭ rơbô̆t glông jơlan mă bruă tui djơ̆ pran jua Jơnum Ping gah tal 11 phrâo rơgao. Gah bruă jao pơ̆ anăp, Khua git gai Ping gah dêh čar lăi rơđah bruă dô̆ hmâo lu, rơwang bruă prong mơ̆ng dêh čar truh plơi pla hăng hmâo tơlơi rô nao rai kơjăp nao rai, yua anun Khua git gai Ping gah dêh čar lăi lĕ bruă gơgrong hlâo gum hrŏm yua pran jua hrŏm lĕ tơlơi yôm phăn; amăng anun hmâo djuai bruă ngă giong hră pơ-ar pơkă tơlơi phiăn, gah bruă pơplih pơkra Phiah phiăn, bruă pơkra ngă giong tơlơi phiăn, ngă giong hơdôm tơlơi pơkă mơ̆ng Ping gah khom nao hlâo sa yak kiăng pơjing tơlơi phiăn kơjăp kơ bruă pơphun ngă tui hluh gah hăng ba glăi bôh tơhnal./.