Hmư̆ tui tơlơi jak iâo mơ̆ng Khua git gai Ping gah Cộng sản dêh čar Việt Nam ơi Tô Lâm, Khua mir sir ơi Lương Cường, Khua git gai Ping gah, Khua mir sir dêh čar Khač ơi Tập Cận Bình amra rai čuă gưl Kơnuk kơna ƀơi dêh čar Việt Nam mơ̆ng lơ 14-15/4/2025. Khua anih jưh pơ ala kơ dêh čar Việt Nam ƀơi dêh čar Khač ơi Phạm Thanh Bình brơi thâo: Tơlơi rô nao rai Việt Nam – Khač hơdôm hrơi rơgao djă pioh rơnoh đĭ kyar kơtang, klă hăng hmâo lu gru rơđah gum hrŏm ƀuh rơđah hloh amăng abih bang hơdôm bruă.

Tal nao čuă lĕ tal pioh Khua git gai gưl dlông dua Ping gah, dua bôh dêh čar nao dơlăm dong bruă khom ngă, pơsit kơ tơlơi rô nao rai kơplah wah dua Ping gah, dua bôh dêh čar, biă ñu bôh tơhnal dưi ngă amăng ngă tui hơdôm tơlơi pơkôl hrŏm gưl dlông, pơsit hơdôm jơlan gah, bruă mă prong pơtrut tơlơi rô nao rai dua Ping gah, dua bôn dêh čar Việt Nam – Khač pơđĭ kyar hơđong, sit nik hăng ba glăi bôh tơhnal hloh pơ̆ anăp anai./.