Amăng mông bưp, Khua git gai Ping gah, Khua mir sir dêh čar ta ơi Tô Lâm pơdah pran jua tơpă sit truh Khua mir sir ơi Biden kơ tơlơi pơhing rơngôt hrŏm ƀơi anăp tơlơi rơngiă mơ̆ng Khua git gai Ping gah rơgom ơi Nguyễn Phú Trọng, hrŏm hăng anun bơni tơlơi gum djru hmao tlôn mơ̆ng Gong gai dêh čar Mi pioh kơ mơnuih ƀôn sang dêh čar Việt Nam amăng tal kơthel Yagi ngă rơgao.

Dua gơñu pơdah tơlơi mơ-ak ƀơi anăp hơdôm bôh tơhnal klă hmâo mă tơdơi kơ sa thun pok pơhai tơlơi gum hrŏm abih bang, lăp djơ̆ hăng čang rơmang hăng bôh tŭ yua mơ̆ng dua bơnah, djru djă pioh tơlơi rơnuk rơnua, hơđong, gum hrŏm, pơđĭ kyar mơ̆ng kual hăng ƀơi rŏng lŏn tơnah. Gah hơdôm tơlơi jar kơmar hăng amăng kual hơdai bơđing nao, dua gơñu tŭ ư hrŏm kơtưn đĭ dong bruă gum hrŏm amăng hơdôm mông bơkơtuai ƀơi kual hăng rŏng lŏn tơnah, amăng anun hmâo rơwang bruă ASEAN, Gum hrŏm Mekong-Mi, APEC, Sang gum hơbit djop dêh čar... djru pơtrut pơtom hiăp, rơnuk rơnua, hơđong, gum hrŏm hăng pơđĭ kyar ƀơi kual hăng rŏng lŏn tơnah./.