Khua git gai Ping gah, Khua mir sir dêh čar ta ơi Tô Lâm pơtŏng sit, tal nao mă bruă anai mơ̆ng grŭp hmâo bôh tŭ yua yôm phăn biă pioh pok pơhai kơčăo bruă pơtom hiăp mơ̆ng Ping gah hăng Kơnuk kơna hăng truh ră anai hmâo pơhrui mă laih lu bôh tơhnal klă, djru tơlơi pơđĭ kyar mơ̆ng lŏn ia; pơdah hơdră bruă pơtom hiăp rơngai, gơgrong pô, djru klă kơ bruă djă pioh rơnuk rơnua, hơđong hăng tơlơi pơđĭ kyar hrŏm mơ̆ng rŏng lŏn tơnah.

Khua git gai Ping gah, Khua mir sir dêh čar ta pơtŏng sit, dêh čar Mi lĕ sa amăng hơdôm bôh dêh čar yôm phăn amăng hơdră bruă pơtom hiăp mơ̆ng Việt Nam hăng jing anih anom glăk hur har hăng hmâo tơhnal gal hăng anom bơwih ƀong amăng lŏn ia. Bruă dua bôh dêh čar pơđĭ dlông tơlơi rô nao rai gum hrŏm truh rơnoh pơhlôm hmâo djru ngă brơi tơlơi rô nao rai dua bôh dêh čar jai sit nik, mut dơlăm amăng abih bang bruă, mơ̆ng bruă kơđi čar, sĭ mơdrô, tuh pơplai truh kơ bruă pơgang rơnuk rơnua, pơgang lŏn ia./.