Khua git gai Ping gah, Khua mir sir dêh čar ta ơi Tô Lâm mơ-ĭt truh ƀing apăn bruă, mơnuih mă bruă amăng Ƀirô anih jưh pơ ala kơ dêh čar grŭp hăng abih bang mơnuih Việt Nam ƀơi dêh čar Mông Cổ tơlơi tơña bla, hơ-ơč hmưi tơlơi suaih pral, yâo mơ-ak hrŏm hăng pran jua mơ-ak hloh mơ̆ng plơi pla Việt Nam. Khua git gai Ping gah, Khua mir sir dêh čar ta ơi Tô Lâm brơi thâo, tal nao čuă Mông Cổ anai hmâo bôh yôm pơphăn biă, pơphun lơm tơlơi rô nao rai dua bôh dêh čar glăk ƀơi rơwang đĭ kyar klă hiam hloh.

Khua git gai Ping gah, Khua mir sir dêh čar ta ơi Tô Lâm rơkâo Ƀirô anih jưh pơ ala kơ Việt Nam ƀơi Mông Cổ ngă tui dong jơlan tô nao rai kơplah wah dua bôh dêh čar hăng kơplah wah hơdôm ding jum, gơnong bruă dua bơnah, gum hrŏm pok pơhai ba glăi bôh tơhnal hơdôm tơlơi pơkôl mơ̆ng Khua git gai gưl dlông dua bôh dêh čar amăng anun hmâo Tơlơi lăi pơtong hrŏm kơ pơjing bruă gum hrŏm abih bang Việt Nam – Mông Cổ; gum hrŏm pơtrut ba glăi bôh tơhnal tơlơi rô nao rai, gum hrŏm kơplah wah dua bôh dêh čar amăng abih bang hơdôm bruă./.