Tơña bla tơlơi hơdip mơda mơ̆ng mơnuih apăn bruă, mơnuih ƀôn sang, ƀing ling tơhan ƀơi tơring glông, Khua git gai Ping gah, Khua mir sir dêh čar ta bơni, pơsit yôm hăng pơpŭ hơdôm tơlơi gum hơgôp mơ̆ng hơdôm rơnuk mơnuih apăn bruă tơhan, ling tơhan hăng mơnuih ƀôn sang ƀơi tơring glông amăng pơdŏng hăng pơgang lŏn ia.

Pơ̆ anăp anai, Khua git gai Ping gah, Khua mir sir dêh čar ta rơkâo hơkrŭ đĭ dong bruă pơgang rơnuk rơnua plơi pla lŏn ia, đing nao tơlơi pơlir nao rai bruă pơgang rơnuk rơnua lŏn ia kơplah wah Cồn Cỏ hăng hơdôm bôh bul ia rơsĭ pơkon. Hrŏm hăng anun, bơwih brơi klă tơlơi hơdip mơda gơnam tam hăng pran jua mơ̆ng mơnuih apăn bruă tơhan, ling tơhan, neh wa hơdip mơda hăng mă bruă ƀơi bul ia rơsĭ, pơhlôm brơi bruă hrăm hră hăng bơwih brơi gah ia jrao tum djop kơ mơnuih ƀôn sang. Ƀrô djơ̆ tal anai, Khua git gai Ping gah, Khua mir sir dêh čar ta ơi Tô Lâm hmâo ƀơk laih lu anung gơnam kơ neh wa, ƀing ling tơhan ƀơi tơring glông, mơ-ĭt truh hơdôm pran jua klă hiam mơ̆ng lŏn drŏn./.