Mơguah lơ 18/8, amăng hrơi mă bruă blung a mơ̆ng tal nao čuă, Khua git gai Ping gah, Khua mir sir dêh čar ta, ơi Tô Lâm hmâo bơkơtuai hăng ơi Hoàng Khôn Minh, Khua git gai Ping gah tơring čar Quảng Đông. Kiăo tui anun, Khua git gai Ping gah, Khua mir sir dêh čar ta, ơi Tô Lâm hmâo bưp laih khua pơ ala giăng mah Khač ƀơi ƀôn prong Quảng Châu.

Čơtlăm mơmot lơ 18/8, ƀơi Bắc Kinh, Khua git gai Ping gah, Khua mir sir dêh čar ta, ơi Tô Lâm hmâo nao čuă, mă bruă hăng Khua anih jưh pơ ala kơ Việt Nam ƀơi dêh čar Khač. Khua git gai Ping gah, Khua mir sir dêh čar ta, ơi Tô Lâm rơkâo, Khua anih jưh pơ ala kơ Việt Nam pok pơhai ba glăi bôh tơhnal hloh dong hơdôm hơdră pơkă rơđah mơ̆ng dua bôh dêh čar, ba glăi bôh tŭ yua kơ dua bôh dêh čar, lăp djơ̆ hăng tơlơi phiăn jar kơmar, yua kơ tơlơi rơnuk rơnua hăng pơđĭ kyar; tô̆ tui kơtưn gum hrŏm kơplah wah dua bôh dêh čar, pơtrut hơdôm bruă bơkơtuai mơnuih ƀôn sang./.