Tô̆ tui jơlan hơdră mă bruă ƀơi tơring čar Quảng trị, čơtlăm lơ 16/10, Khua git gai Ping gah, Khua mir sir dêh čar ta ơi Tô Lâm  hrŏm hăng grŭp hyu mă bruă dêh čar hmâo mă bruă  laih hăng Grŭp apăn bruă Ping gah tơring čar Quảng Trị kơ bruă pok pơhai ngă tui Tơlơi pơtrun pơsit Ping gah hơdôm gưl nao hrŏm hăng pơđĭ kyar bơwih ƀong, mơnuih mơnam, pơhlôm pơgang lŏn ia, rơnuk rơnua plơi pla, pơdŏng Ping gah hăng glông bruă kơđi čar.

Pơhiăp amăng mông mă bruă, Khua git gai Ping gah, Khua mir sir dêh čar ta ơi Tô Lâm pơsit yôm Ping gah, gong gai tơring čar Quảng trị hmâo gum hrŏm hơbit, pơlir hơbit, pok pơhai klă tơlơi pơtrun pơsit mơ̆ng Ping gah tal 13, hăng Tơlơi pơtrun pơsit Ping gah tơring čar tal 17, hmâo mă yua laih lu tơlơi pơtrun pơsit tui akô̆ bruă, klah čun, črâo ba, hơdôm jơlan hơdră bruă mă, kơčăo bruă pok pơhai... Quảng Trị hmâo rơnoh đĭ kyar bơwih ƀong tañ hloh rơnoh hơnong ñu mơ̆ng đơ đam dêh čar; pran kơtang mơ̆ng bruă bơwih ƀong dưi pơplih phrâo, tơlơi ngă pơhưč tuh pơplai, pơhrui ngăn drăp hăng pơjing bruă mă jai hrơi đĭ, anih anom mă yua jai hrơi jai dưi tuh pơplai ha amăng plĕ hăng ngă giong, biă ñu lĕ jơlan nao rai. Bôh thâo đưm, pơtô pơhrăm, ia jrao dưi hmâo tơring čar đing nao hăng tum pơƀut ngăn rơnoh tuh pơplai, bruă hơđong tơlơi hơdip mơda mơnuih mơnam, bơwih brơi kơ mơnuih ƀun rin, mơnuih ƀu hmâo hlơi gơnang amăng mơnuih mơnam dưi đing nao yôm; ngă tui klă bruă djuai ania, tơlơi đăo, gum hrŏm hơbit djuai ania./.