Anai lĕ sa amăng hơdôm bôh sang hră gưl dlông sui thun hăng hmư̆ hing hloh rŏng lŏn tơnah. Khua git gai Ping gah, Khua mir sir dêh čar ta mơ-ak dưi thâo, Sang hră gưl dlông Trinity College Dublin glăk pok pơhai lu jơlan hơdră gum hrŏm hăng hơdôm bôh sang hră gưl dlông, anom kơsem min mơ̆ng Việt Nam.

Hơdôm rơtuh čô nai pơtô, čơđai gưl dlông Việt Nam hmâo hăng glăk hmâo tŭ mă hăng bruă pơtô pơhrăm hăng kơsem min klă dưm kơnar hăng jar kơmar mơ̆ng sang hră. Khua git gai Ping gah, Khua mir sir dêh čar ta čang rơmang lĕ, hơdôm jơlan hơdră gum hrŏm anai amra hmâo lu bôh tơhnal klă hloh dong, djru ngă tui hơdôm tơhnal ba tơbiă pơđĭ kyar sui thun mơ̆ng dua bôh dêh čar hăng ngă brơi tơlơi rô nao rai Việt Nam hăng Ai-len pơđĭ kyar jai hrơi jai pơđĭ dlông hăng sit nik. Khua git gai Ping gah, Khua mir sir dêh čar ta pơmin lĕ, Việt Nam hăng Ai-len amra gum hrŏm dong, gum hrŏm kơjăp, anăp nao tơhnal dlông hloh pơgi kơdih anai, yua kơ bôh tŭ yua mơ̆ng mơnuih ƀôn sang dua bôh dêh čar, yua kơ sa pơgi kơdih anai rơnuk rơnua, hơđong, gum hrŏm hăng pơđĭ kyar ƀơi dua kual hăng ƀơi rŏng lŏn tơnah./.