Khua git gai Ping gah, Khua mir sir dêh čar ta ơi Tô Lâm nao pơhmư̆ hăng pơhiăp amăng mông pok phun. Anih pơhrăm brơi dong, tŭ mă bôh thâo hmâo 49 čô mơnuih, hrơi pơhrăm mơ̆ng 14/10/2024 truh lơ 25/11/2024. Bôh yôm phun hmâo 33 anăn bruă lĕ hơdôm tơlơi phun tơlơi pơmin, pơblang, mơ̆ng Ping gah; pơjing Ping gah, Kơnuk kơna hăng glông bruă kơđi čar; pơđĭ kyar bơwih ƀong, bôh thâo, mơnuih mơnam; bruă pơgang lŏn ia, rơnuk rơnua plơi pla hăng pơtom hiăp; bôh thâo phrâo git gai, wai lăng amăng rơnuk phrâo.

Khua git gai Ping gah, Khua mir sir dêh čar ta ơi Tô Lâm rơkâo đĭ, ƀing lăi pơthâo glăi bruă mă lăi pơthâo glăi, pok pơhai bôh yôm Jơlan hơdră pơhrăm hrơi mông hiưm hơpă ba glăi bôh tơhnal, pơplih bôh thâo jing tơlơi thâo hăng mă bruă jing jơlan gah pơmin bôh thâo phrâo hmâo tơhnal ngă tui, kiăng đing nao phara ngă tui dlông hloh tơhnal gơgrong hlâo, pơčeh phrâo mơnuih nao hrăm, đing nao lăi pơthâo kơplah wah mơnuih lăi pơhing hăng mơnuih kơsem min, ngă tui klă jơlan gah “Hrăm nao hrŏm hăng bruă ngă”, pơblang nao hrŏm hăng bôh nik; ngă tui na nao bruă pel ĕp, lăng tui lơm pơhrăm pran jua pô, kơnuih mơ̆ng mơnuih nao hrăm pơ̆ sang hră pơtô bruă Ping gah; ngă gal brơi kiăng ƀing nao hrăm pơhrăm giong klă bruă pơhrăm./.