Amăng hơdôm hrơi nao čuă sit nik dêh čar Prang, Khua git gai Ping gah, Khua mir sir dêh čar ta ơi Tô Lâm hmâo nao pơhmư̆ mông ngă Lơphet čơkă sit nik; bưp ƀing čih tơlơi pơhing phrâo, bơktuai hăng Khua mir sir dêh čar Prang Emanuel Macron; bơkơtuai hăng Khua git gai wai lăng pơ ala mơnuih ƀôn sang gơnong dlông dêh čar Prang; tŭ jum Khua git gai Ping gah Cộng sản Prang, Khul giăng mah Prang – Việt Nam; čuă Ƀirô mă bruă hăng mă bruă hăng Khua UNESCO.

Prang hăng Việt Nam lăi rơđah, bruă yôm phăn mơ̆ng bruă mă lu bơnah, amăng anun Sang gum hơbit djop dêh čar pô gơgrong phun, hrŏm hăng anun pơtŏng sit glăi tơlơi pơkôl ngă tui Phiah phiăn Sang gum hơbit djop dêh čar, biă ñu tơhnal yôm phăn mơ̆ng bruă pơtrut hăng pơgang tơlơi dưi ană mơnuih hăng hơdôm tơlơi dưi pô phun hăng tơlơi pơđĭ kyar mơ̆ng rim bôh dêh čar. Dua bơnah pơkôl kơtưn lăi pơthâo hăng gum hrŏm amăng hơdôm mông bơkơtuai kual, biă ñu lĕ ASEAN, hăng jar kơmar, amăng anun hmâo Khul jar kơmar yua Tơlơi Prang./.