Ping gah, Kơnuk kơna Khač hơmâo pioh mông čơkă yôm phăn hloh hăng Khua git gai Ping gah, Khua mir sir ơi Tô Lâm hrŏm hăng bơnai ñu laih dong ƀing khua mua pơprong dêh čar ta. Tal nao čuă gưl Kơnuk kơna mơng Khua git gai Ping gah, Khua mir sir ơi Tô Lâm yôm phăn biă mă hăng tơlơi rô nao rai kơplah wah Việt Nam-Khač pơ anăp anai kah hăng tơlơi sit nik, bruă pơtom hiăp, pơđĭ kyar amăng lŏn ia ta pơ anăp, amăng thun blan 2 boh dêh čar Việt Nam-Khač tŏ tui jơlan gah pơđĭ kyar kơtang tui, ngă lar hyu kơtang tơl djop gưl, djop gơnong bruă pơjing rai bruă ngă hrŏm dik dak mơ-ak, tŭ yua hăng sit nik.

Hăng tơlơi lăng yôm hăng gum hrŏm kjăp mơng dua bơnah, tal nao čuă gưl kơnuk kơna pơ dêh čar Khač mơng Khua git gai Ping gah, Khua mir sir ơi Tô Lâm hăng bơnai ñu čang rơmang amra pok rai sa rơwang pơđĭ kyar phrâo amăng tơlơi rô nao rai kơplah wah dua boh dêh čar ha guai, ngă hrŏm yôm phăn djop mơta, bơnah djru nao rai kơñ pơgi kơplah wah Việt Nam-Khač lĕ tơlơi yôm hăng ngă dơlăm tui.