Lăng yôm tơlơi git gai mơng djop ƀon lan amăng bruă prap lui gơnam măi mok, anih hrăm, ƀing nai pơtô, hơdrôm hră hăng hơdră djru brơi čơđai sang hră, Khua git gai Ping gah, Khua mir sir brơi thâo, thun hrăm phrâo amra jing tơlơi lông blung a hăng bruă pok pơhai tơlơi pơtrun mrô 71 mơng Ding jum kơđi čar. Khua apăn akŏ Ping gah, kơnuk kơna rơkâo djop ƀon lan pơhlôm brơi djop sang hră, anih hrăm, nai pơtô, hơdrôm hră hăng gơnam yua pơtô hrăm; hruă kjăp tui pran jua “pơ hơpă hơmâo čơđai hrăm hră, pơ anun hơmâo nai pơtô”, anăm brơi ƀing čơđai hơpă lui hrăm hră yua sang anŏ tơnap tap.

Laih dong, gơnong bruă pơtô pơjuăt kiăng khin hơtai pơplih mơng pơmĭn wai lăng hơdai nao pơtrut pơđĭ kyar, gơgrong pơhlôm brơi mơnuih mă bruă thâo yua boh thâo ia rơgơi, pơplih pơčeh phrâo, pơplih mrô hăng djop gơnong bruă amăng lŏn ia ta.