Khua git gai ping gah, Khua mir sir ơi Tô Lâm lăi pơtong Việt Nam sơ̆n pran jua kiăo tui jơlan hơdră pơtom hiăp rơngai đôč, ngă pô, gum hrŏm lu bơnah, lu hơdră ngă pŭ ƀăn, ăt lăng yôm kơ bruă pơkjăp hăng pơđĭ kyar tơlơi rô nao rai yôm phara hăng dêh čar Nga, pơtong rơđah tơlơi ngă giăng mah hăng dêh čar Nga lĕ yôm pơphăn amăng bruă mă anăp nao, sa amăng hơdôm bruă khom đing nao hlâo hloh amăng jơlan hơdră pơtom hiăp mơ̆ng pô.

Dua čô khua tŭ ư lăng yôm bruă ngă pŭ ƀăn giăng mah Việt Nam-Nga pơđĭ kyar hiam klă hăng pơhrui glăi lu boh tơhnal tŭ yua yôm amăng djop bruă, djop tơhnal, biă mă ñu amăng bruă pơhlôm pơgang tơlơi rơnuk rơnua, hơđong, pơhlôm djop apui yua, ayuh gaih, sĭ mơdrô.....Khua git gai ping gah, Khua mir sir ơi Tô Lâm hăng Khua mir sir dêh čar Nga, ơi Vladimir Putin hơmâo pơčrong sai nao rai, tŭ ư hrom hơdôm anăp ngă bruă pơprong pơ anăp anai amăng hơdră ngă hrŏm dua bơnah laih anun hăng lu bơnah.