Amăng mông jơnum, mơnuih ƀôn sang lăi pơthâo lu bruă bơdjơ̆ nao tơlơi hơdip mơda anun lĕ bruă lŏn mơnai, dưm dăp man pơdong, pơtô pơjuăt, ia jrao, jơlan glông, wai pơgang jum dar hăng hơdjă mơnong ƀong huă. Mơnuih ƀôn sang ăt rơkâo hơdôm akŏ bruă pơđĭ kyar amăng ƀon lan kiăng pơhlôm brơi tơlơi dưi, tơlơi bơwih ƀong sui pơ anăp kơ mơnuih ƀôn sang, sit biă ñu lĕ amăng bruă pơhrui glăi lŏn mơnai, duh glăi prăk hăng man pơdong plơi pla phrâo. Kơ bruă pơhlôm hơdjă mơnong ƀong huă, Khua git gai Ping gah, Khua mir sir ơi Tô Lâm rơkâo pel ĕp glăi tong ten mơng bruă pơkra truh ba sĭ mơdrô, kơtưn bruă pơƀuh tong ten anih pơkra gơnam, pơsir hĭ khut khăt bruă pơkra gơnam ča čot, gơnam sat, anăm brơi ngă soh amăng wai lăng.

Hăng hơdôm bruă mơnuih ƀôn sang rơkâo đĭ, khua git gai Ping gah, Khua mir sir rơkâo anom bruă bơdjơ̆ nao pel ĕp tong ten mơnuih glăm ba, hrơi mông pơsir hĭ hăng hơmâo tơlơi lăi glăi mơnuih ƀôn sang. Hơdôm bruă rơgao hăng tơlơi glăm ba kiăng pơtum pơƀut, lăi pơthâo hăng Khua pơ ala mơnuih ƀon sang dêh čar, kơnuk kơna hăng hơdôm anom bruă gơnong glông, laih dong kiăo tui lăng bruă ngă tui.