Khua git gai ping gah, Khua mir sir lăng yôm boh tơhnal bruă mă mơ̆ng sang bruă khua anih jưh pơ ala dêh čar hăng djop sang bruă pơ ala bơwih ƀong huă hơmâo ngă tui bruă Ping gah, kơnuk kơna dêh čar jao, čih pioh tơlơi gir run, tơlơi gum pơgôp, mă bruă hur har abih pran jua amăng bruă mă, mơ̆ng anun djru hrŏm pơđĭ kyar ƀơi dêh čar Cuba hăng tơlơi ngă giăng mah pŭ ƀăn mơ̆ng dua bơnah dêh čar. Sa wơ̆t dơ̆ng lăi pơtong, tơlơi gum pơgôp gru grua, ngă hrŏm hlom bom plah wah Việt Nam-Cuba ƀu pơdơi ôh hăng pơđĭ kyar djop mơta bruă.

Khua mua dua bơnah ping gah, kơnuk kơna hăng mơnuih ƀôn sang ƀuh rơđah tơlơi rô nao rai dua bơnah ba gru hiam kơ dêh čar ngă tui jơlan hơdră mơnuih mơnam ngă pô bơkơnar, gru pơhmutu kơ rơnuk phrâo. Khua git gai ping gah, khua mir sir brơi thâo, tal nao čuă dêh čar Cuba anai, kiăng pơtong glăi tong ten hloh, Ping gah, kơnuk kơna hăng mơnuih ƀôn sang Việt Nam lăng yôm biă mă tơlơi rô nao rai gru grua thâo gum pơgôp hăng yôm phara giăng mah plah wah ping gah, dua bơnah kơnuk kơna, dua djuai ania, čang rơmang pơđĭ kyar kơtang hloh hăng pơđĭ tui tơlơi ngă giăng mah Việt Nam-Cuba črăn phrâo.