Pơ ala brơi khua mua Ping gah, Kơnuk kơna pơđok hră pioh hơdor amăng mông ngă lơphet, Khua git gai Ping gah, Khua mir sir ơi Tô Lâm pơsit tong, 70 thun rơgao amăng bruă ngă hơkrŭ hing ang mơng Ping gah, djuai ania ta tui tơlơi git gai rơgơi mơng wa Hô, mơng Ping gah hăng Kơnuk kơna, plơi prong jưh jom Hà Nội lêng kơ hơmâo tơlơi gơgrong, anih phun, kơđŏm glăi thun blan hing ang.

Khua git gai Ping gah, Khua mir sir ơi Tô Lâm ăt čang rơmang, pơ anăp anai ƀôn prong amra tŏ ngă tui hơdôm hơdră bruă, pok phư kơtang ƀiă dong amăng pơjing plơi prong jưh jom Hà Nội djơ̆ hăng tơlơi pơsit lĕ anih phun kơđi čar kơ dêh čar ta, anih bơwih ƀong, gru grua, pơtô pơjuăt, boh thâo ia rơgơi hăng mut hrŏm jar kmar; plơi prong rơgơi, pơplih phrâo, mơtah, agaih rơnăk.