Mông jơnum anai pơčrông sai, pơgôp hiăp kơ hră lăi pơthâo tơlơi sit nik, boh than ngă tui Jơlan hơdră bruă mă 6 blan akŏ thun 2024 hăng bruă jao phun 6 blan rơnuč thun 2024; hră lăi pơthâo kơ boh tơhnal git gai, pơsir hĭ hơdôm bruă, kơđi tui Khul git gai kiăo tui lăng, tui tơlơi git gai mơng Jơnum tal 25 mơng Khul git gai truh ră anai; hră lăi pơthâo kơ boh than dưi ngă mơng Khul git gai pơgang, pơgăn hưp ƀong kông ngăn, bruă ngă soh gưl tơring čar 6 blan akŏ thun 2024.

Đĭ pơhiăp amăng mông jơnum, Khua git gai Ping gah, Khua mir sir ơi Tô Lâm- Khua khul git gai rơkâo djop gưl, khul grup Ping gah, anom bruă bơdjơ̆ nao anăm pơtah hơtai, tŭ ư hăng hơdôm tơlơi dưi ngă, mơ̆ kiăng tŏ tui pok pơhai kơtang ƀiă dong, ha amăng plĕ hơdôm hơdră bruă, khut khăt, gir run pơgăn hưp ƀong kông ngăn, bruă ngă soh djơ̆ hăng jơlan gah “ƀu lui, ƀu pơdơi, ƀu anih kŏm, ƀu hơmâo hlơi gah rơngiao, hlơi hlơi tŭ mơn; ƀom kiơng sa bruă, sa kual, sa bruă răng kơđiăng”. Khua git gai Ping gah, Khua mir sir ơi Tô Lâm lăi pơtong 3 tơlơi rơkâo: Pơgăn hưp ƀong kông ngăn, bruă ngă soh kiăng pơđĭ kyar bơwih ƀong huă-mơnuih mơnam; kiăng pok pơhai tơl hơdôm anom bruă Ping gah, kiăng hơmâo tơlơi krăo lăng mơng ƀing apăn bruă Ping gah kah hăng mơnuih ƀôn sang…