Lơm glăk đĭ rơdêh treng đuăi hmar, khua mua anom bơwih ƀong gah gơnong bruă rơdêh treng Khač lăi pơthâo tañ hăng Khua git gai Ping gah, Khua mir sir ơi Tô Lâm kơ bruă pơđĭ kyar gơnong bruă rơdêh treng dêh čar Khač. Tui anun, jơlan rơdêh treng glăk mă yua mơng dêh čar Khač glông 165.000 km. Amăng anun jơlan rơdêh treng đuăi hmar glông giăm 54.000 km, glông hloh amăng rŏng lŏn tơnah hăng truh rơbêh 70% mrô glông jơlan rơdêh treng đuăi hmar amăng rŏng lŏn tơnah.

Pơdah tơlơi lăng yôm kơ bruă pơđĭ kyar jơlan rơdêh treng đuăi hmar mơng dêh čar Khač, Khua git gai Ping gah, Khua mir sir ơi Tô Lâm čang rơmang 2 boh dêh čar tŏ tui kơtưn ngă hrŏm tơkuh nao rai jơlan glông, hơmâo jơlan rơdêh treng, yua kơ bruă pơđĭ kyar mơtah hăng pơđĭ kyar lŏn ia. Ñu rơkâo, Khua mua gơnong bruă rơdêh treng hăng hơdôm anom bơwih ƀong dêh čar Khač pơlăi nao rai tơlơi găn rơgao hăng djru brơi, hrŏm hăng Việt nam amăng bruă man pơkra, jao măi mok brơi hơdôm akŏ bruă jơlan rơdêh treng yôm phun ƀơi Việt Nam.