Mơit tơlơi bơni hơ-ơč hiam hloh hăng ƀing nao pơhmư̆, Khua git gai Ping gah, Khua mir sir kah pơpha, lăi pơthâo, ƀrô hrơi hơdor 101 thun Hrơi hră pơhing ngă hơkrŭ Việt Nam, ƀing ta lăp hơdor, pơpŭ bơni kơ Khua mir sir Hồ Chí Minh, sa čô mơnuih čih tơlơi pơhing rơgơi biă, ñu yơh pơphun brơi bruă čih tơlơi pơhing ngă hơkrŭ Việt Nam.

Ƀing ta pơpŭ, lăp hơdor kơ rơnuk čih tơlơi pơhing hlâo adih, biă ñu lĕ rơbêh kơ 500 čô hyu mă tơlơi pơhing djai pơsăn drơi kơ lŏn ia, hăng hơdôm rơbâo čô čih tơlơi pơhing rơka rơkač, ƀu hiam drơi, djai drơi pô yua kơ tơlơi rơngai, dưi ngă pô mơ̆ng Lŏn ia, yua kơ tơlơi yâo mơak mơ̆ng mơnuih ƀôn sang, yua kơ bruă čih tơlơi pơhing ngă hơkrŭ Việt Nam. Ñu lăi, hră pơhing khŏm nao hrom hăng hơdôm bruă mă kiăng ngă hlâo mơ̆ng lŏn ia amăng rơnuk phrâo; Khua git gai Ping gah, Khua mir sir ơi Tô Lâm kiăng, hră pơhing kiăng ngă bruă hăng pran jua kơtưn kiăng klă, đĭ kyar: hơmâo ƀuh djơ̆ bruă, lăi pơthâo glăi djơ̆, tơpă sit, pơblang djơ̆ phun tơhnal ñu, rơkâo đĭ djơ̆. Khua git gai Ping gah, Khua mir sir đăo kơnang hăng khul čih tơlơi pơhing rơgơi mơbruă, khin hơtai, rơgơi, laih anun pioh abih pran jua, hră pơhing ngă hơkrŭ Việt Nam amra ngă giong tơlơi gơgrong lĕ boh pơhiăp mơ̆ng Ping gah, Kơnuk kơna hăng Mơnuih ƀôn sang./.