Ƀing khua mua nao jơnum hơmâo bơtŭ ư ten, bruă akŏ pơdong ping gah, pơphun bruă hăng ruah khua apăn bruă amăng rơnuk phrâo hơmâo tơlơi tŭ yua yom biă mă hăng tơlơi thâo git gai, wai lăng apăn bruă laih anun boh tơhnal ngă tui amăng glông bruă kơđi čar.

Klah čun ƀơi mông jơnum, Khua git gai ping gah, Khua mir sir lăi pơtong, 7 bruă mă phun yom hloh kiăng pok pơhai ngă tui, hăng tơhnal pơkă akŏ pơdong ping gah ƀu kơnong tơpă, kơjăp đôč ôh, dŏ djop tơlơi khin hơtai, tơlơi thâo rơgơi, hơmâo kơnuih hiam hăng thâo git gai djop bruă mă amăng lŏn ia yak nao rơnuk  phrâo, rơbâo thun. Biă mă ñu, kiăng pơblih kơtang hơdră git gai amăng ping gah, pơsir hĭ hơdôm tơlơi kơƀah, tơlơi tơdu hlăk ngă tui ƀơi lu gưl, lu anom bruă hăng tơring čar plơi pla. Abih bang bruă mă jao khom pơkă rơnoh hơmâo mrô tong ten rơđah rơđong; jao bruă djơ̆ hăng tơlơi dưi ngă, mrô mơnuih djă apăn hăng anŏ gêh găl, laih dơ̆ng kơtưn pel ĕp tơlơi dưi, pơtong rơđah bruă glăm ba khom lir hơbit hăng bruă apah bơni laih anun tơlơi tơpă djơ̆ hnơ̆ng.