Đĭ pơhiăp amăng mông mă bruă, Khua git gai Ping gah, Khua mir sir ơi Tô Lâm rơkâo Ping gah, anom bruă git gai hăng ƀing apăn bruă, ling tơhan Sư đoàn tơhan mơgăt rơdêh mrô 308 kiăng pơjing khul ling tơhan ngă bruă kjăp amăng bruă kơđi čar, akĕ phĭ tui Ping gah, kơnuk kơna hăng mơnuih ƀôn sang. Anai lĕ bruă mă tui tơlơi pơkă, jing atur phun ba glăi pran kơtang mơng ling tơhan dêh čar ta. Yua anun, Sư đoàn kiăng lăng yôm pơtô pơjuăt bruă kơđi čar, git gai ngă tui tơlơi pơmĭn, gru grua; kiăng ƀing apăn bruă, ling tơhan thâo hluh rơđah tơlơi pơmĭn, gru hơdip, hơdră ngă bruă, glông jơlan ngă bruă mơng wa, pơ-ư ang gru grua, tŏ tui tơlơi glăm ba, lêng djă pioh pran ngă bruă khin hơtai, kjăp phik, đăo gơnang nao tơlơi git gai mơng Ping gah, pran blah ngă kơtang, amra tŭ mă hăng pơgiong klă bruă jao mah hiưm hơpă tŭ mơn.

Khua git gai Ping gah, Khua mir sir ơi Tô Lâm đăo gơnang, hăng gru grua “Ba jơlan hlâo, sông kơtang, gum pơgôp, kjăp bruă, hơdeč hmar, gir ngă dưi, ngă truh kih”, hăng tơlơi pơ-ư ang mơng anom bruă ling tơhan sông kơtang, hơmâo gru grua, ƀing apăn bruă, ling tơhan Sư đoàn mơgăt rơdêh mrô 308 amra tŏ tui gum pơgôp, pơplih pơčeh phrâo, gơgrong ngă bruă, găn rơgao tơnap tap, pơgiong truh kih djop mơta bruă jao.