Tơdơi kơ pơđut hĭ hơdôm bruă mă amăng tal nao čuă gưl kơnuk kơna pơ dêh čar Mông Cổ, tom brơi (1/10), Khua git gai Ping gah, Khua mir sir ơi Tô Lâm hrŏm hăng ƀing khua mua pơprong mơng dêh čar Việt Nam tơbiă mơng plơi prong Ulaanbaatar, nao čuă gưl kơnuk kơna pơ dêh čar Ireland tui tơlơi jak iâu mơng Khua mir sir Ireland. Anai lĕ tal nao čuă gưl kơnuk kơna blung a pơ dêh čar Ireland mơng Khua mir sir Việt Nam dong mơng brơi dua bơnah akŏ pơjing tơlơi rô nao rai pơtom hiăp, mơng anun pơgôp hrưn đĭ tơlơi đăo gơnang kơđi čar hăng hơkrŭ tơlơi rô nao rai giang mah Việt Nam-Ireland.

Tal nao čuă mơng Khua git gai Ping gah, Khua mir sir ơi Tô Lâm pơ Ireland kiăng pơsit tong Việt Nam lêng lăng yôm tơlơi rô nao rai hăng Ireland, pơgôp hrưn đĭ pran đăo gơnang kơđi čar, ngă dơlăm ƀiă dong tơlơi ngă hrŏm djop mơta kơplah dua boh dêh čar pơ anăp anai, sit biă ñu amăng bruăe bơwih ƀong huă, sĭ mơdrô, tuh pơ alin, boh thâo ia rơgơi, pơplih pơčeh phrâo, pơtô pơjuăt, ngă hmua; yua kơ hơnong pơkă pơđĭ kyar hơđong kjăp, yua tơlơi rơnuk rơnua, ngă hrŏm hăng pơđĭ kyar amăng kual hăng jar kmar.