Khua git gai Ping gah, Khua mir sir ơi Tô Lâm pơđut laih tal nao čuă 3 boh dêh čar Ngŏ Dơnung ASIA
Thứ ba, 15:35, 02/06/2026
VOV/Siu H'Mai pơblang
VOV/Siu H'Mai pơblang
VOV.Jarai - Tlam mơmot lơ 1/6, Khua git gai Ping gah, Khua mir sir ơi Tô Lâm hrŏm hăng Bơnai ñu laih anun Khul khua pơprong mơ̆ng Việt Nam glăi truh laih pơ Hà Nội, pơđut hĭ klă hiam tal nao čuă dêh čar Thái Lan, Singapore, Philippines laih nao pơhmư̆, hăng đĭ pơhiăp ƀơi mông Jơnum Shangri-La 2026.
Hơdôm boh dêh čar čơkă Khul khua thâo pơpŭ, khăp ƀu-eng biă mă. Hơdôm tal nao čuă jơmư trư găn anai mơit hiăp kơtang tơlơi đĭ kyar mơ̆ng Việt Nam, pơƀuh tơlơi pơmin, jơlan đĭ kyar lŏn ia amăng rơnuk phrâo, laih dong pơsit kiăo tui tơlơi pơtrun lăng yom tơlơi rô nao rai hăng hơdôm boh dêh čar iao gah laih dong ƀing gŏp amăng ASEAN.
Tal čuă jơmư anai ăt pơƀuh tơlơi gơgrong bruă thâo prăp rơmet, gir run, laih anun gơgrong bruă prong biă mơ̆ng Việt Nam amăng bruă pơtrut gum pơgôp ASEAN, pơđĭ tui tơlơi gơgrong phun mơ̆ng ASEAN, bong kjăp tơlơi rơngai, hơđong, ngă hrŏm hăng đĭ kyar amăng kual./.
Viết bình luận