Dong mơ̆ng akô̆ rơwang bruă truh ră anai, Khua pơ ala mơnuih ƀôn sang hmâo pel ĕp 43 tơlơi phiăn, rơbêh kơ 60 tơlơi pơtrun pơsit; Jơnum min apăn bruă Khua pơ ala mơnuih ƀôn sang dêh čar hmâo mă yua 45 tơlơi pơtrun pơsit hăng 3 phiăn pơtrun. Khua git gai Ping gah, Khua mir sir ơi Tô Lâm ăt rơkâo mơ̆n Khua pơ ala mơnuih ƀôn sang dêh čar khom kơsem min tañ pơsit rơđah jơlan gah, hơdră lăng tui dlông hloh mơ̆ng Khua pơ ala mơnuih ƀôn sang lăp djơ̆ hăng bôh nik, bĕ bơrơkua hăng bruă mă mơ̆ng hơdôm bôh ƀirô Kơnuk kơna pơkon ngă rơngiă lui đôč ngăn rơnoh.

Pơđĭ dlông dong anô̆ kơjăp bruă mă tơña, pơblang, lăng tui hră pơ-ar tơlơi phiăn; đing nao lăng tui, lăng glăi, pơtrut pơsur bruă ngă tui hơdôm tơlơi rơkâo đĭ tơdơi kơ lăng tui. Pơplih phrâo glông jơlan pơsit kơ ngăn drăp Kơnuk kơna pơhlôm sit nik, nao hrŏm hăng lăng tui bruă ngă tui ngăn drăp, amăng ƀrư̆ pơ ala nao bruă mă yua hơdôm tơlơi pơtrun pơsit hăng hơdôm tơlơi phiăn kơ prăk kak, ngăn drăp. Amăng mông jơnum anai, mrô bruă mă gah lăng tui hăng pơsit hơdôm tơlơi yôm phăn mơ̆ng lŏn ia ăt prong biă mơn, sit nik glăk ba tơbiă, mơnuih pơ ala mơnuih ƀôn sang glăk čang rơmang; rơkâo ƀing khua pơ ala mơnuih ƀôn sang ngă tui bruă mă, bruă jao mơ̆ng pô amăng bơkơtuai hăng pơsit hơdôm tơlơi yôm phăn anai./.