Ƀrô djơ̆ 8 mông, ngă lơphet jôk atâo rơgom ơi Vũ Khoan dưi pơphun kơdrưh, yôm phăn pioh pơdah pran jua hơ-ŭ hơdor hăng djă pioh hơdôm bôh than hmâo ngă, tuh rơyuh pran jua mơng ñu. Pok phun mông ngă lơphet, Grŭp khua pơ ala Grŭp mă bruă Ping gah dêh čar ta, Grŭp Khua pơ ala mơnuih ƀôn sang, Grŭp Khua mir sir dêh čar, Grŭp Gong gai dêh čar, Grŭp Jơnum min djop djuai ania mơnuih mơnam dêh čar Việt Nam yua kơ ƀing khua git gai gưl dlông dêh čar ta ba jơlan hlâo amăng ƀrư̆ mut nao jôk.

Nao jôk rơgom ơi Vũ Khoan dô̆ hmâo Khua git gai hơđăp Ping gah, Kơnuk kơna, grŭp khua pơ ala hơdôm ding jum, grŭp, gơnong bruă dêh čar ta hăng hơdôm tơring čar, ƀôn prong; hơdôm grŭp pơtom hiăp, gơyut gơyâo jar kơmar. Rơgom ơi Vũ Khoan – Khua git gai hmâo gum hơgôp yôm phăn amăng bruă gum hrŏm, pơplih phrâo hăng pơđĭ kyar bơwih ƀong lŏn ia. Ñu hmâo pioh glăi laih hơdôm tơlơi găn rơgao yôm phăn, pơdŏng hơdră bơkơtuai bruă bơwih ƀong jar kơmar tơdơi anai. Mông ngă lơphet lăi pơthâo rơgom ơi Vũ Khoan pơphun lơ̆m 1 mông 30 mơnit čơtlăm hăng ngă Lơphet ba nao dor lơ̆m 3 mông čơtlăm hrơi anun mơn ƀơi Pơsat Mai Dịch, ƀôn prong Hà Nội./.