Boh yôm phun amăng hră mơ-it anun čih: Hăng tơlơi khăp jĕ giăm kah hăng adơi ayong, dêh čar ieo gah gơyut gơyâo tong ten, pơ ala kơ khul khua mua apăn bruă ping gah dêh čar Việt Nam, kâo rơkâo mơ-it hiăp pơpŭ truh kơ Khua ping gah mơnuih ƀôn sang dêh čar Kur, Hunsen, hơdôm čô khua git gai hăng mơnuih apăn bruă, ngă khua amăng ping gah mơnuih ƀôn sang dêh čar Kur hăng tơlơi pơpŭ bơni hiam hloh, tơpă sit hok mơak kơ boh tŭ yua ruah khua pơ ala mơnuih ƀôn sang gah gơnong dlông tal V; biă mă ñu, ping gah mơnuih ƀôn sang dêh čar Kur dưi hĭ hăng boh tơhnal tŭ yua prong amăng tal ruah khua anai.

Boh tơhnal ruah khua anai, sa wơ̆t dơ̆ng pơtong sit tơlơi gơgrong ba, kơnuih prong mơ̆ng ping gah mơnuih ƀôn sang dêh čar Kur gah yŭ kơ tơlơi git gai mơ̆ng ơi Hunsen. Ƀing gơmơi đăo kơnang sit nik lĕ, hăng boh tơhnal tŭ yua anun, hrŏm hăng tơlơi thâo thăi găn rơgao lu, laih anun tơlơi dong yua mơ̆ng mơnuih ƀôn sang dêh čar Kur, Ping gah mơnuih ƀôn sang dêh čar Kur yua kơ ơi Hunsen ngă khua git gai amra tŭ mă lu boh tơhnal phrâo hloh, prong hloh dơ̆ng amăng bruă mă pơgang, man pơdong hăng pơđĭ kyar lŏn ia Kur.