Khua git gai ping gah ơi Nguyễn Phú Trọng lăi, tơlơi pơpŭ mơ̆ng Việt Nam hăng bruă ngă giăng mah rô nao rai Việt Nam-Australia yôm biă, lăng kơ tơlơi pơđĭ kyar, tŭ yua hăng hlom bom dua bơnah thun blan rơgao sa tơlơi lăp pơ-ư pơ-ang.

Khua git gai ping gah ta ăt lăi pơtong, Việt Nam hăng Australia lĕ dua boh dêh čar amăng kual ASIA-Thái Bình Dương, hơmâo lu tơlơi gêh găl djơ̆ hrom, tơlơi ngă giăng mah găn rơgao 50 thun laih, dưi pok pơhư prong hăng tong ten hloh amăng bruă kơđi čar, bơwih ƀong huă, ia rơgơi tơlơi kơhnâo hăng pơtô hrăm, wơ̆t bruă gah ling tơhan pơgang tơlơi rơnuk rơnua hnun mơ̆n. Khua git gai ping gah tŭ ư hrom yua boh tŭ yua kơ mơnuih ƀôn sang dua bơnah, yua tơlơi rơnuk rơnua, ngă hrom pơđĭ kyar amăng kual hăng amăng rŏng lŏn tơnah.