VOV4.Jarai-Mơguah lơ 27/4, ƀơi sang bruă ping gah dêh čar, Khua mua git gai mơ̆ng gơnong dlông pơgăn tơlơi soh ƀong kông ngăn, jơnum abih bang yua kơ ơi Nguyễn Phú Trọng Khua git gai Ping gah dêh čar pô git gai. Khua khul git gai hơmâo pioh mông pơčrông sai, pơgôp hiăp pơsir kơđi soh sat ƀong kông ngăn yua Khul anai krăo lăng, tơdơi kơ Jơnum lok 21 mơ̆ng Khul khua mua git gai anai truh kơ ră anai, pơtong rơđah bruă mă pơgăn hưp ham ƀong kông ngăn, tơlơi soh sat ƀong prăk la pơ anăp dơ̆ng.

Mơ̆ng akŏ thun truh ră anai, bruă pơgăn tơlơi hưp ham ƀong kông ngăn hơmâo ngă lu boh tơhnal phrâo tŭ yua. Hrơi blan pơ anăp, Khua mua khul git gai brơi djop gưl ping gah, anom bruă kơnuk kơna pơtrut kơtang hloh bruă ngă khut khăt, tañ, sơn pran jua, ƀu pơdơi ôh, pơkơdong glăi hăng bruă ngă soh sat hưp ham ƀong kông ngăn; pơphun kơsung nao pơgăn, pơsir khut khăt bruă ngă soh glăi, ngă tơnap ană plơi, pơblih tơlơi pơmin jing sat amăng ping gah, mơnuih ping gah, mơnuih ngă khua.

Nay Jek: Pơblang