VOV4.Jarai - Mơguah lơ 20/1, ƀơi Sang bruă Ping gah dêh čar, Khua mua git gai bruă Ping gah pơgang pơgăn hưp ham ƀong kông ngăn, bruă soh glăi Dêh čar ta jơnum tal 21 yua Khua git gai Ping gah ơi Nguyễn Phú Trọng git gai, jăm ƀuah, ñim glăi tơlơi ngă soh, pơtŏng glăi bruă mă amăng thun 2021 hăng pơgôp hiăp kơ Bruă mă amăng thun 2022 mơng Anom bruă git gai. Amăng thun 2021, mah hơmâo klin Covid-19, Jơlan hơdră mă bruă mơng Anom bruă git gai hơmâo ngă klă mơn, djơ̆ tui akŏ bruă blung a. Biă ñu, amăng thun hlâo, dêh čar ta hơmâo ngă kơđi, hyu hơduah ĕp kơđi 390 tơlơi soh/1.011 čô mơnuih hơmâo tơlơi soh ƀong kông ngăn, apah prăk kiăng dưi ngă khua. Lăi nao bruă mă amăng hrơi blan pơ anăp, Khua git gai Ping gah ơi Nguyễn Phú Trọng kiăng djŏp gưl ping gah, anom bruă ping gah ƀu dưi dŏ dơnŏng ôh, ƀu djơ̆ yua hơmâo tơlơi truh kih mơ̆ ƀu ngă dong tah, lui raih lui bruă; khŏm gir hloh dong amăng bruă pơgăn tơlơi hưp ham ƀong kông ngăn; pơtrut tui bruă hyu pel ĕp, wai lăng. Ƀơi mông jơnum, ƀing khua hơmâo bơkơtuai, pơgôp hiăp kiăng ngă pơgiong hĭ Jơlan hơdră  bruă amăng thun 2022 mơng Anom bruă git gai pơgăn ƀong kông ngăn.

Siu H’Mai: Pơblang