VOV4.Jarai - Lơ 25/1/2022 (lơ 23 tui thun Tân Sưu), Khhua git gai Ping gah ơi Nguyễn Phú Trọng hăng Khua git gai Ping gah, Khua mir sir Khač ơi Tập Cận Bình hơmâo mơ-it nao rai hră pơ-ar pơpŭ thun phrâo ƀrô bơyan dua boh dêh čar Việt Nam hăng Khač prap čơkă thun phrâo Nhâm Dần.

Anăp nao thun 2022, dua čô khua git gai Ping gah rơkâo djop gơnong bruă hăng gong gai dua bơnah ngă tui djơ̆ tơlơi pơkôl pơkă khua mua dua bơnah, pơtrut ngă hrŏm sit nik amăng bơwih ƀong huă-sĭ mơdrô hăng tuh pơ alin, pơtrut pơbưp nao rai mơnuih ƀon sang hăng lu mông pơphun phara, ngă hrŏm kjăp amăng pơgang klin, kiăo tui lăng hăng pơsir klă hloh hơdôm bruă bơrơjah hluai tui hơdră rơnuk rơnua, lăp djơ̆ hăng tơlơi phiăn amăng jar kmar, pơgôp ba tơlơi rô nao rai ngă giang mah, ngă hrŏm djop mơta kơplah wah Việt Nam - Khač jai pơđĭ kyar tui, hơđong kjăp, djơ̆ hăng tơlơi dưi hrŏm, sui thun mơng dua Ping gah, dua boh Kơnuk kơna hăng mơnuih ƀon sang dua bơnah, yua kơ tơlơi rơnuk rơnua, hơđong, ngă hrŏm hăng pơdrong asah amăng kual hăng jar kmar. Dua čô khua git gai Ping gah pơpŭ kơ Ping gah Kơnuk kơna hăng mơnuih ƀon sang Việt Nam - Khač čơkă thun phrâo Nhâm Dần rơnuk rơnua, yâo mơ-ak.

Siu Đoan: Pơblang