VOV4.Jarai - Lơ 24/1, Khua git gai Ping gah ơi Nguyễn Phú Trọng ba jơlan hlâo grup hyu mă bruă mơng gơnong glông hơmâo nao čuă, pơpŭ thun phrâo Ping gah, gong gai hăng mơnuih ƀon sang tơring čar Bắc Ninh. Đĭ pơhiăp amăng mông mă bruă, Khua git gai Ping gah ơi Nguyễn Phú Trọng rơkâo, Bắc Ninh kiăng tŏ tui hruă kjăp, pơtô pơblang brơi djop anih Tơlơi pơsit mơng Jơnum Ping gah đơ đam dêh čar tal XIII hăng tơlơi pơsit mơng Jơnum Ping gah tơring čar tal XX, ba hơdôm tơlơi pơsit mut amăng bruă mă mơng Ping gah, abih bang mơnuih ƀon sang, ngă kơ lu mơnuih thâo rơđao, dơlăm hơdôm tơlơi dưi, tơlơi gal kiăng tŭ mă, djă pioh na nao; hơdôm tơlơi tơnap tap, tơlơi lông kiăng kơ gir run găn rơgao.

Khua git gai Ping gah ơi Nguyễn Phú Trọng mă bruă hăng Khul apăn bruă Ping gah tơring čar Bắc Ninh

Anăm pơtah tai, ngă amưng hăng hơdôm tơlơi dưi ngă. Ping gah tơring čar kiăng kơ tañ pel ĕp hơdôm bruă hơmâo ngă laih, hơdôm bruă aka ƀu  dưi ngă, mơng anun, ngă tui sit nik hơdôm tơlơi črâo ba, hơnong pơkă, bruă jao amăng jơlan hơdră, akŏ bruă,  hăng pran gir run hloh, ngă bruă khut khăt, kơtang ƀiă dong, djă pioh hơdôm tơlơi dưi, tơlơi gal amăng tơring čar.

Siu Đoan: Pơblang