Khua git gai ping gah ơi Nguyễn Phú Trọng hok mơ-ak, lăng yôm biă tal rai čuă Việt Nam mơ̆ng Thượng tướng An-va-rô Lô-pết Mi-ê-ra amăng hrơi mông dua boh dêh čar anăp nao hrơi ngă lơphet hơdor glăi 50 thun Khua mir sir Phi-đen Cát-xtơ-rô rai čuă kual pơklaih rơngai ƀơi Quảng Trị; bơnah pran jua đăo gơnang tal rai čuă anai amra hơkrŭ kơjăp hăng ngă dlăm tui tơlơi rô nao rai klă hiam mơ̆ng đưm hlâo kơplah wah dua Ping gah, dua kơnuk kơna hăng ling tơhan dua bơnah.

Khua git gai Ping gah dêh čar ta pơsit, Việt Nam amra gir abih pran jua kiăo tui tơlơi dưi ngă mơ̆ng Việt nam djru ba dêh čar Cuba tui tơlơi pơmin “Yua kơ dêh čar Cuba, Việt Nam amra kiăo tui tơlơi dưi ngă mơ̆ng pô djru ba dêh čar Cuba găn rơgao tơnap tap, lông lăng jăng jai, ƀơi anăp”. Khua git gai Ping gah lăng yôm tơlơi gơgrong bruă hăng hơdôm boh than hơmâo ngă amăng bruă ngă hrŏm ling tơhan dua bơnah; rơkâo kiăng dua bơnah pơđĭ tui dong tơlơi ngă hrŏm sit nik, tŭ yua, lăp djơ̆ hăng tơlơi geh gal dua bơnah, yua kơ tơlơi rơngai hăng pơđĭ kyar amăng kual wơ̆t hăng ƀơi rŏng lŏn tơnah.