VOV4.Jarai-Tlam lơ 28/4, ƀơi anom bruă ping gah dêh čar, ơi Nguyễn Phú Trọng Khua git gai ping gah dêh čar ta hơmâo tŭ jum grup khua mua mơ̆ng dêh čar Lao, yua kơ Pany Yathotou, Kơ-iăng Khua mir sir dêh čar Lao ba jơlan hlâo rai čuă sit nik dêh čar ta. Ơi Nguyễn Phú Trọng lăng yôm boh tŭ yua tal rai čuă anai, pơdah rai pran hok mơak jĕ giăm yôm phara đăo kơnang nao rai Việt Nam-Lao; lăi pơtong boh yôm kơ bruă ƀu pơdơi ôh ngă kjăp tui tơlơi giăng mah pŭ ƀăn Việt Nao-Lao hơđong na nao laih anun pơđĭ kyar kơ rĭm boh dêh čar, kơtưn ngă hrom dua bơnah laih anun ngă hrom ƀơi jar kmar.

Khua git gai ping gah ơi Nguyễn Phú Trọng lăng yôm laih anun pơdah pran jua đăo kơnang tong ten, bơni kơ Kơ-iăng khua mir sir Lao kơ boh tơhnal bơkơtuai nao rai dua bơnah; laih anun rơkâo dua bơnah hur har hloh ngă hrom pok pơhai ngă tui tŭ yua tơlơi pơkôl mơ̆ng khua mua dua bơnah ping gah, kơnuk kơna, amăng anun ăt pơtrut tui tơlơi giăng mah kơđi čar kjăp tui kiăng pơgang rơnuk rơnua lŏn ia hăng pơtom hiăp, pơtrut pơđĭ tui boh tŭ yua bruă ngă hrom bơwih ƀong huă, gru grua, pơtô hrăm…

Nay Jek: Pơblang