VOV4.Jarai-Khua mua phun amăng ping gah ƀôn prong HCM phrâo hơmâo hră pơtrun akŏ pơjing Khul git gai bruă pơgăn tơlơi soh ƀong kông ngăn hăng bruă sat amăng ƀôn prong, Khua git gai lĕ ding kơna ding jum kơđi čar, Khua git gai ping gah ƀôn prong ơi Nguyễn Văn Nên. Khul git gai hơmâo 6 čô ngă ding kơna, anun lĕ ơi Nguyễn Văn Nên, Khua git gai ping gah, ngă khua khul; Kơ-iăng khua khul lĕ ơi Lê Thanh Liêm, Khua anom pơgăn hưp ham ƀong kông ngăn mơ̆ng ping gah ƀôn prong hăng hơdôm kơ-iăng pơkŏn lĕ yă Nguyễn Thị Lệ, Kơ-iăng Khua git gai ping gah ƀôn prong, Khua Jơnum min pơ ala mơnuih ƀôn sang ƀôn prong; ơi Dương Ngọc Hải, Khua anom bruă pel ĕp amăng ping gah ƀôn prong; ơi Nguyễn Phước Lộc, Khua anom pơphun bruă ping gah ƀôn prong; ơi Lê Hồng Nam, Khua kông an ƀôn prong HCM.

Anom bruă pơgăn ƀong kông ngăn gah anom bruă ping gah ƀôn prong HCM jing anom bruă git gai hrom phun, yua pơdjơ̆ nao tơlơi dưi, bruă mă, hơdră pơphun bruă mă, tơlơi dưi jao bruă tui hră Hră pơtrun mrô 67-QĐ/TW lơ 2/6/2022 mơ̆ng Khul khua mua git gai ping gah dêh čar.

Nay Jek:  Pơblang