Pơ ala kơ khua mua mơ̆ng Ping gah, Kơnuk kơna pơpŭ brơi Miđai Hồ Chí Minh tal 2 brơi kơ Khul pơgang hưp ham kông ngăn, Khua git gai Ping gah ơi Tô Lâm pơsit, bruă amăng lăm čar, mơ̆ng kơđi čar truh pơgang hưp ham kông ngăn leng kơ hơmâo Ping gah hăng Khua mir sir Hồ Chí Minh lăng yom biă mă, pơsit jing bruă akŏ phun či pơgang Ping gah, pơgang jơlan ngă bruă mơ̆ng lŏn ia, pơgang ba tơlơi dưi, tơlơi gêh găl mơ̆ng Mơnuih ƀôn sang.

Laih dong, pơsit, amăng rim črăn, mah amăng mông tơnap tap, djŏp rơnuk khua mua Anom bruă pơgang hưp ham kông ngăn Ping gah leng kơ ha pran jua hăng Ping gah, Lŏn ia hăng Mơnuih ƀôn sang; khut kiăo tui tơlơi phiăn; kjăp pran jua; ngă bruă tơpă sit, khin hơtai pơgang ba anŏ djơ̆, pơgăn glăi anŏ soh glăi. Lăi rơđah, amăng rơnuk đĭ kyar phrâo, anom bruă pơgang hưp ham kông ngăn Ping gah khŏm pơtrut gru hing ang 60 thun rơgao; ƀu pơdơi plih tơlơi pơmin, hơdră ngă bruă; pơphô bruă klă; kjăp pran ngă pô “wai gôl” kơ Ping gah amăng bruă čar, pơgang hưp ham, prai prăk khưi khai hăng pơplih phrâo tơlơi phiăn.