Khua git gai Ping gah ơi Tô Lâm, Khua dêh čar ơi Phạm Minh Chính, Khua git gai pơ ala mơnuih ƀôn sang dêh čar ơi Trần Thanh Mẫn hrŏm hăng Ding kơna Ding jum kơđi čar, Khua mua git gai Ping gah nao pơ hmư̆. Khua git gai Ping gah ơi Tô Lâm brơi thâo, bruă hrăm kơ boh thâo ia rơgơi, pơčeh phrâo tơlơi rơgơi hăng mă yua boh thâo mrô hơmâo amăng jơlan hơdră ngă bruă mơ̆ng Ding jum kơ đi čar, Khul khua git gai bruă Ping gah, jing bruă ngă rơđah rơđông, pơsit tơlơi gir run prong hloh mơ̆ng khua mua Ping gah, Kơnuk kơna ngă truh kih Tơlơi pơtrun mrô 57 mơ̆ng Ding jum kơđi čar.

Kiăng khua mua git gai črâo bruă hăng pơphun ngă truh kih Tơlơi pơtrun anai jing sit ding kơna ding jum kơđi čar, khua mua git gai Ping gah nao hlâo hrăm tơlơi phrâo, tơlơi tơnap hăng pơplih na nao anai. Khua git gai Ping gah jao kơ Ping gah Gong gai dêh čar  hăng Anom bruă Ping gah gơnong dlông, anom bruă mơ̆ng Anom git gai črâo bruă Ping gah kơ pơđĭ kyar boh thâo ia rơgơi, pơčeh phrâo tơlơi rơgơi, hăng mă yua boh thâo mrô hmư̆ djŏp tơlơi pơgôpo hiăp mơ̆ng ƀing khua mua ding jum kơđi čar, khua mua git gai bruă Ping gah či pơhrua tui, ngă giong hră lăi pơthâo kơ mông jơnum Ping gah tal 11 pơ anăp anai, amăng anun kiăng lăp đing nao hloh lĕ thâo tơlơi pơplih phrâo ƀơi rŏng lŏn tơnah kơ boh thâo ia rơgơi mrô, pơčeh phrâo, črâo ƀuh hơdôm bruă rơđah rơđông, hơdôm hơdră ngă bruă rơđah rơđông đah mơ̆ng dưi ngă tŭ yua Tơlơi pơtrun mrô 57 mơ̆ng Ding jum kơđi čar amăng hrơi blan pơ anăp./.