Tui hăng tơlơi lăi pơthâo hăng tơlơi pơgôp hiăp hơmâo pơčrong sai, ƀing ding kơna Khul apăn bruă git gai ping gah dêh čar, klah čun ƀơi mông jơnum, Khua git gai ping gah ơi Tô Lâm lăi pơtong, brơi ba yua boh thâo ia rơgơi mrô amăng bruă mă hiăp mơnuih ƀôn sang, djop sang bruă kơnuk kơna hơmâo pơpha bruă laih ăt kah hăng ngă klă bruă čih pioh kiăng ngă djop hăng tơpă hloh djop mơta tơlơi pơgôp hiăp mơ̆ng mơnuih ƀôn sang, lăi pơthâo khua mua pơ ala mơnuih ƀôn sang sem glăi hăng pơsit.

Pơdjơ̆ nao hơdôm tơlơi ngă tui Hră pơtrun 18 mơ̆ng Ping gah dêh čar ăt brơi pơblih phrâo, dăp glăi bruă mă amăng kơnuk kơna glông bruă kơđi čar kiăng hơbôt hloh, mă bruă tŭ yua, sit nik, Khua git gai ping gah pơtrun hiăp kơ kơnuk kơna hăng djop ding jum anom bruă pơdjơ̆ nao khom pơtum pơpha bruă mă tong ten khut khăt, tui hăng tơlơi thâo, anŏ kiăng sa hơnơ̆ng, khom pơblih tañ amăng tơlơi pơmin kiăng djop tơring čar pok pơhai ngă tui sa amăng plĕ pioh gong gai kơnuk kơna mơ̆ng gơnong dlông trun pơ tơring čar ngă djơ̆ tui hăng tơlơi dưi bruă mă jao brơi laih.