Ƀơi mông tŭ jum, Khua git gai ping gah ơi Tô Lâm lăi pơtong Việt Nam lăng yom biă mă hăng čang rơmang pơtrut bruă ngă giăng mah laih anun ngă hrŏm lu mơta hăng Thai Lan-dêh čar jĕ giăm ieo gah, hơmâo tơlơi rô nao rai sui thun laih anun mông gêh găl kơ bruă ngă hrŏm sĭ mơdrô hăng tuh pơ alin mrô sa mơ̆ng Việt Nam.

Khua git gai ping gah ơi Tô Lâm lăi pơtong, hơdôm bruă mă phun brơi kơ bruă ngă hrŏm Việt Nam-Thai Lan pơ anăp: Rơkâo dua bơnah ăt ngă kơjăp tui tơlơi đăo kơnang kơđi čar kơnang kơ bruă pơtrut ngă hrŏm amăng djop bruă mă tui tơlơi pơhing mơ̆ng Ping gah, Kơnuk kơna hăng tơlơi rô nao rai jĕ giăm amăng mơnuih ƀôn sang, pơblih nao rai grup khua mua bưp tơdruă djop gưl; djă pioh boh tơhnal dưi ngă tui hăng tơlơi phiăn pơkă jơnum kơnuk kơna dua bơnah hăng hơdôm tơlơi pơkôl ngă hrŏm dua bơnah ră anai ăt kah hăng kơsem min pơđĭ tui lu hloh tơlơi pơkă kơ bruă ngă hrŏm kiăo tui yak phrâo hăng akŏ pơjing bruă mă hrŏm phrâo dơ̆ng.