Bruă bơkơtuai pơphun mơak klă, tơpă ară. Dua čô khua ping gah lăng yôm tơlơi đĭ kyar yak đĭ pơ anăp mơ̆ng dua Ping gah, dua boh lŏn ia hrơi blan rơgao tui hăng tơlơi pơkă “6 hloh”. Hơdôm bruă pơbưp hơmâo pơphun na nao, ngă hrŏm bơwih ƀong - sĭ mơdrô đĭ lu, hrŏm hăng lu tơlơi rơđah bơngač amăng bruă ngă hrŏm gru grua boh thâo, pơtô hrăm, tuai hyu ngui hăng pơbưp mơnuih ƀôn sang. Dua bơnah hơmâo ngă hrŏm kjăp ƀơi mông jơnum lu bơnah, pơtom hiăp mơak kơ hơdôm bruă aka ƀu dưi pơsir.

Ơi Tô Lâm, Khua git gai Ping gah kiăng pơđĭ tui bruă ngă hrŏm gah ling tơhan, pơtom hiăp, boh thâo măi mok, boh thâo mrô hăng pơgang ayuh hyiăng. Biă ñu, Khua git gai Ping gah ơi Tô Lâm lăi kiăng pơtrut tañ pơkra jơlan rơdêh treng Lào Cai - Hà Nội - Hải Phòng, pơtrut sĭ mơdrô dưm kơnar, hăng tuh pơ alin klă hloh. Tơdơi kơ mông bưp, dua čô Khua git gai Ping gah hơmâo ƀuh 45 pok hră ngă hrŏm, lăi pơthâo boh tŭ yua mơ̆ng tal čuă jơmư.