Ƀơi mông mă bruă, Khua git gai ping gah ơi Tô Lâm lăi pơtong, tơlơi gơgrong ba yom amăng bruă pơkă hlâo jơlan hơdră kơ Ping gah amăng bruă pơtrut pơđĭ kyar bơwih ƀong huă mơnuih mơnam lŏn ia, lăi pơtong, tơlơi či kơdŭn glăi hăng tơbleñ hĭ anăp mă bruă pơđĭ kyar bơwih ƀong huă sit amra hơmâo ƀu dưi thâo ôh, yua kơ anun Anom bruă wai lăng gah tơlơi bơwih ƀong huă gơnong dlông kiăng pơtum kơsem min lăi pơthâo jơlan hơdră pơđĭ kyar bơwih ƀong huă mơnuih mơnam dêh čar brơi kơ ping gah hăng kơnuk kơna thâo tong ten pơ anăp anai.

Khua git gai ping gah rơkâo Anom bruă bơwih ƀong huă mơnuih mơnam dêh čar mơ̆ng gơnong dlông khom prăp lui hlâo, ngă tui hur har hloh, lăng nao pơ anăp ataih hăng prong hloh, pơdah thâo lu hơdră pioh git gai, wai lăng kiăng ba lŏn ia ta pơđĭ kyar hơđong sui thun dĭ da gla kơñ.